عايزة اتجوز من غير سفرة ونيش
وكمان نلغى الانتريهات والصلونات
فشخرة على الفاضى والكلام كله من الماضى اصل الماضى عادات وتقاليد
ونعيد ونزيد مهر وشبكة وعفش جديد
نصه عليا ونصه عليك
وانا بنتى مش أقل من بنت فلان وفلان يكلم علان وعلان فى التوهان وكأنه ماعايش فى الكون
بالذمة بأه ده أسمه كلام
وده كله كلام مجنون وجنون فى الجنون ..
بقى يعنى عجبك حال بنت لما تعنس ولا تتجوز لحد ماتوصل للــ30
ومن التلاتين للتسعين اهو كله فرق سنين
وترجع تقول وماله ماهو راجل وجيبه ملايين
واهو قادر يربي عياله
قال يعنى التربية بفلوس
ولا عريس تشوفه منحوس
ماله فى جبه تقول متروس
بس الشكل اعوذ بالله
ديما كشري ويقول معهوش
انا يبنى مبطلوبش كتير
ولا هقولك مهر كبير
ولاشبكة بكتير
كل اللى انا عيزه منك
حاجة بسيطة حتة شقة لدنيا سعيدة
بس كده ياعمى بسيطة
استنى يا بنى انا لسة ماقولتش
ومواصفات لشقة محطتش
الشقة لازم تكون كبيرة وواسعة وبرحة وشرحة
وياسلام لو سقف زمان وقول للزمان ارجع يا زمان
لاء وكمان باب البيت يكون ع الشارع
اصلى حويط
على بنتى لما يكون جوزها عنها بعيد
وياعينى عليك لو جبتلها حتة عربية
تبدأ بيها حياتها معاك تحميها من الزحمة
واهو كله فداك
------------------
كفيانا كلام فى ما مضى وما فات وكلام فى مالم يمضى وما هو آت كل اللى حبيت اقوله انا سجلته خلاص واعتبره كلام ومات عدا وفات مهاويس بكلام مش بعريس ولا فى الاحلام شقة وعربية وليه دولا عليا شوية ماتخليهاشقة ايه ومالها الفيلا كفرت ولا هى بس للحرمية حلوة العربية بس يا حبيى مش صغيرة عليا شوية يرديك بنت الجيران يجلها بورش وسودا كمان بالذمة بأه ده أسمه كلام
سلام ... من مجرد كلام قريته استفزنى فقولت أقوله وعلى فكرة انا مش بحب الدماغ المصرية فى العفش مالها اليابان حلوة بس من غير زلزال ومفاعلات نووية كمان
سلام - نوران عارف
فتة مصرية - عصرية
روابط ذات صلة
------------
عايز أتجوز من غير سفرة ونيش
0 التعليقات:
إرسال تعليق